உங்கள் Laptop-ஐ உங்கள் வீட்டு TV உடன் இணைப்பது எப்படி

எந்த கேபிளும் இல்லாமல் லேப்டாப்பை டிவியுடன் இணைப்பது எப்படி என்று தெரியுமா? இதோ எளிய வழிமுறைகள்!

கொரோனா வைரஸ் அல்லது கோவிட்-19 பரவல் மற்றும் பீதி காரணமாக அறிவிக்கப்பட்டுள்ள 21 நாட்கள் லாக்டவுனை இந்தியர்களால் சமாளிக்க முடியுமா என்று கேட்டால்? ஒருவேளை நீங்கள் விண்டோஸ் 10-ஐ கொண்ட லேப்டாப் பயனர் என்றால் உங்களால் முடியும்!

"கண்ணாடியை திருப்பினால்.. ஆட்டோ எப்படி ஓடும் ஜீவா?" என்று நீங்கள் என்னை கேட்கலாம்! இருங்கள் கூறுகிறேன்!

விண்டோஸ் 10 லேப்டாப்பில் ஒரு அட்டகாசமான அம்சம் உள்ளது. அது உங்களின் லேப்டாப் ஸ்க்ரீனை உங்கள் ஸ்மார்ட் டிவியுடனோ அல்லது ஸ்ட்ரீமிங் ஸ்ட்ரிக்களுடனோ கனெக்ட் செய்ய அனுமதிக்கிறது. இந்த அம்சம் ப்ராஜெக்ட் டூ திஸ் பிசி (Project to this PC) என்று அழைக்கப்படுகிறது.

இதை சாத்திய படுத்துவது எப்படி? அதாவது உங்கள் லேப்டாப் ஸ்க்ரீனை டிவி உடன் இணைப்பது எப்படி? 

பின்வரும் எளிய வழிமுறைகளை பின்பற்றவும்!

01.உங்கள் லேப்டாப்பில் (பிசி) உள்ள Settings-ஐ கிளிக் செய்யவும்.

02. பின்னர் அதில் காணப்படும் System-ஐ கிளிக் செய்யவும்.

03. பின்னர் Project to this PC எனும் டேப்-ஐ கிளிக் செய்யவும்.

04. பின்னர் ‘Some Windows and Android devices can project to this PC when you say it’s OK’ என்கிற வாசகத்தின் கீழ் காணப்படும் டிராப்-டவுன் மெனுவை கிளிக் செய்து Always Off விருப்பத்தை தேர்வு செய்யவும்.

05. இப்போது ‘Ask to project to this PC’ எனும் வாசகத்தின் கீழ் காணப்படும் டிராப்-டவுன் மெனுவை கிளிக் செய்து "Every time a connection is required" எனும் விருப்பத்தை தேர்வு செய்யவும்.

06. பின்னர் "Required PIN for pairing: விருப்பத்தின் கீழ் காணப்படும் டிராப்டவுன் மெனுவை கிளிக் செய்து Never எனும் விருப்பதை தேர்வு செய்யவும்.

07. இப்போது Start மெனுவை திறந்து, Connect என்று டைப் செய்து Search செய்யவும். இப்போது மேலே காட்சிப்படும் Connect App-ஐ கிளிக் செய்யவும்.

08. இப்போது உங்கள் லேப்டாப் வயர்லஸ் ஆக கனெக்ட் செய்ய தயாராக இருக்கும். கனெக்ட் ஆப்பின் மேலே காட்சிப்படும் Arrow பட்டனை கிளிக் செய்ய, உங்களுக்கு full-screen mode கிடைக்கும் என்பதும் குறிப்பிடத்தக்கது.

இந்த ஸ்க்ரீன் மிரரிங்-ஐ துண்டிப்பது எப்படி?

01. முதலில் Action Centre-க்குள் நுழையவும்.

02. இப்போது Connect பட்டனை கிளிக் செய்யவும்.

03.பின்னர் Device பிரிவின் கீழ் Disconnect பட்டனை கிளிக் செய்யவும். அவ்வளவுதான்!

செட்டிங்ஸ் வழியாக ஸ்க்ரீன் மிரரிங்-ஐ துண்டிப்பது எப்படி?

01. முதலில் settings-ஐ கிளிக் செய்யவும்.

02. பின்னர் System-ஐ கிளிக் செய்யவும்.

03. இப்போது பக்கத்தில் கடைசியில் உள்ள Display விருப்பத்தை கிளிக் செய்யவும்.

04. பின்னர் Connect to a wireless display விருப்பத்தை கிளிக் செய்யவும்.

05. இப்போது Device-இந்த கீழ் Disconnect எனும் விருப்பத்தை ,அதை கிளிக் செய்யவும். அவ்வளவுதான்!